Trátase dun obradoiro para descubrir un dos maiores inventos  da humanidade: a cerámica. Unha actividade que, xunto con  outras innovacións técnicas das comunidades agrícolas e gandeiras, mudou o curso da historia. Ademais poderán aprender algunhas das técnicas empregadas na elaboración e decoración das típicas pezas da Idade do Bronce. 

Obxectivos didácticos:

• Descubrir e entender a importancia da cerámica para a vida cotiá.
• Reproducir as fases do proceso de creación e realización  dunha peza cerámica.
• Reforzar a creatividade e destreza manual de forma individual  do alumnado.
• Coñecer, valorar e respectar os aspectos básicos da cultura Neolítica e da Idade do Bronce en Galicia

Neste obradoiro, o alumnado entenderá a importancia da linguaxe gráfica, plástica e visual como medio de expresión na Prehistoria. Coñecerán diversas réplicas arqueolóxicas para finalmente experimentar de primeira man os diversos procesos creativos da Prehistoria, pintando cos dedos sobre un mural de papel. 

Obxectivos didácticos:

• Adquirir coñecementos arredor da creación de pigmentos  na Prehistoria. 

• Coñecer os útiles básicos para a creación das pinturas na Prehistoria. 

• Producir, deseñar e compoñer, individualmente ou en grupo,  as fases do proceso de creación e realización dunha  decoración mural. 

• Reforzar a creatividade e destreza manual.

Neste obradoiro recordaremos que son os petróglifos e descubriremos e identificaremos os diferentes motivos que aparecen grabados nas pedras: cabalos, cervos, barcos, espadas, círculos, puntos… Ademáis o alumnado poderá producir os seus propios petróglifos sobre papel.

Obxectivos didácticos:

• Coñecer a Arte Rupestre e os motivos que foron grabados nos petróglifos.

• Descubrir a diversidade plástica dos petróglifos: xeométricos e figurativos.

• Producir e compoñer de forma individual un motivo rupestre.

•  Desenvolver a creatividade e a destreza manual.

Mediante esta actividade o alumnado poderá entender a importancia que tivo a innovación tecnolóxica da agricultura. Coñecerán en primeira persoa os procesos que conduciron ao descubrimento da domesticación das plantas e as vantaxes e cambios que significou para a vida dos seres humanos. Ademais poderán plantar e realizar parte do proceso de produción para a obtención da fariña.

Obxectivos didácticos:

• Valorar a importancia da agricultura para a vida dos seres humanos.

• Entender e aprender as fases simples da domesticación das plantas.

• Recoñecer e identificar as ferramentas principais da agricultura no Neolítico e a Idade do Bronce.

• Experimentar de primera man coas réplicas arqueolóxicas destinadas á práctica arqueolóxica.

Ao longo da Prehistoria atopamos diferentes representacións artísticas: pinturas, gravados e esculturas. E aparecen en diferentes espazos e soportes: covas, abrigos, rochas e obxectos. Nesta exhibición faremos un pequeno repaso polos diferentes estilos e representacións artísticas máis destacadas da Prehistoria e amosaremos como creaban pigmentos e reproduciremos algunhas das técnicas empleadas.

A descuberta do lume e a súa “domesticación” cambiou por completo a vida dos nosos antepasados. Foi fonte de luz e calor, símbolo de protección e afianzador das relacións sociais, permitiu cociñar os alimentos e transformar as materias coas que producir mellores ferramentas. Pero naquel tempo non era doado obter lume, polo que unha labor importante era coidalo. Nesta exhibición amosaremos diferentes técnicas empregadas na Prehistoria para acender un lume.

Este obradoiro comeza no CIDAR, onde visitaremos a réplica dunha cista e o enxoval funerario do túmulo da Chousa Nova (Silleda), a través dos cales aprenderemos máis sobre os contextos funerarios antigos. Despois o alumnado poñerá a proba os coñecementos adquiridos resolvendo unhas fichas e creará un colar “prehistórico” inspirado no de Chousa Nova. 

Obxectivos didácticos:

• Reflexionar sobre a importancia do ámbito funerario  nas comunidades humanas da Prehistoria.
• Comprender os modos de vida na Idade do Bronce  a través da visita á área expositiva.
• Aprender nocións sobre o comercio baseado no intercambio  de materiais na Prehistoria.

Visita dinamizada na que Landra, unha rapaza da Idade do Bronce, iranos ensinando como era a vida na Prehistoria e como se facían os petróglifos. Da súa man, utilizando réplicas arqueolóxicas, reproduccións de petróglifos, e mediante un pequeno xogo simbólico, coñeceremos máis en detalle como era a vida fai 4.000 anos.