Percorrido guiado pola área arqueolóxica adaptado aos diferentes ciclos educativos para coñecer máis sobre os petróglifos, a paisaxe que os rodea e como era a vida na Idade do Bronce, descubrindo un dos petróglifos mellor conservados de toda Galicia.
1 h
Aventura e misterio agardan esta primavera no PAAR! Mergúllate na prehistoria con obradoiros creativos e interactivos ata emocionantes xogos de orientación e un misterioso escape room. Toda a programación do Parque Arqueolóxico da Arte Rupestre de Campo Lameiro desenvolverase ao longo dos meses de marzo, abril, maio e xuño durante as fins de semana.
Reserva a túa Aventura!
Esta Semana Santa, atrévete a vivir unha experiencia única no maior centro arqueolóxico de Galicia! Nas Terras de Pontevedra, agóchase unha sorpresa que te transportará á prehistoria. Imaxina cazar como un auténtico habitante da Idade de Bronce, ou descubrir a maxia dos petróglifos baixo a luz das lanternas en noites cheas de lendas. No Parque Arqueolóxico da Arte Rupestre, queremos ofrecerche o plan máis orixinal para estas vacacións: unha aventura inesquecible a través do tempo.
Queres ver todo o que temos previsto para ti?
Este sábado 17 e domingo 18 de maio, o Parque Arqueolóxico da Arte Rupestre (PAAR) énchese de actividade para conmemorar dúas datas sinaladas: o Día das Letras Galegas e o Día Internacional dos Museos. E para celebralo ao grande, o acceso ao parque será gratuíto durante toda a fin de semana! Convidámoste a mergullarte na historia e na cultura a través dunha oferta de experiencias únicas deseñadas para todas as idades.
O Parque Arqueolóxico da Arte Rupestre (PAAR), o maior centro de Galicia para comprender os enigmáticos petróglifos, súmase á celebración dos Días Europeos da Arqueoloxía (JEA) que terán lugar os días 13, 14 e 15 de xuño de 2025. Unha oportunidade única para que o público de todas as idades se achegue á historia e á investigación arqueolóxica.
Os Días Europeos da Arqueoloxía son un evento promovido polo Ministerio de Cultura francés, á que se sumaron os países membros do Consello de Europa, e coordinado polo Instituto Nacional de Investigacións Arqueolóxicas Preventivas (Inrap), que mobiliza a máis de 5000 eventos en 30 países. O seu obxectivo principal é concienciar aos cidadáns sobre a riqueza e diversidade do patrimonio arqueolóxico europeo, así como a necesidade de protexelo. En Galicia o PAAR é un dos axentes principais destas xornadas desde o seu comezo.
Programación no PAAR para toda a fin de semana
O Parque Arqueolóxico da Arte Rupestre ofrece unha variada programación durante estas tres xornadas, deseñada para mergullar aos visitantes na prehistoria e no fascinante mundo dos petróglifos e da arqueoloxía.
“De caza!”: Unha experiencia teórico-práctica para aprender as técnicas de caza dos nosos devanceiros e as súas armas. Os participantes poderán practicar o uso do arco, frechas, propulsor e azagaia. Sábado 14, de 11:00 a 12:00. Todos os públicos.
Visita guiada á Área Arqueolóxica: Acompañados por especialistas, os visitantes descubrirán os principais puntos da Área Arqueolóxica do Parque e a recreación do poboado da Idade do Bronce, desvelando os enigmáticos significados dos gravados na pedra. Venres 13, Sábado 14 e Domingo 15 de xuño, de 12:30 a 13:30 e de 17:30 a 18:30. Todos os públicos.
Escape room: “O tesouro da moura”: Unha divertida aventura para nenos e familias, onde seguirán pistas e resolverán probas para recuperar o tesouro da lendaria moura de Campo Lameiro. Sábado 14 e Domingo 15 de xuño, de 16:00 a 17:00. Público familiar
Xogo interactivo: “Petroaventura”: Un xogo interactivo para aprender e pasear pola gran reserva natural e arqueolóxica do PAAR. Sábado 14 e Domingo 15 de xuño. Público familiar.
Os Días Europeos da Arqueoloxía son unha oportunidade excelente para achegarse ao patrimonio cultural, comprender a cadea operativa da arqueoloxía “da escavación ao museo” e fomentar o intercambio de coñecementos entre profesionais e cidadáns europeos.
Todas as actividades teñen prazas limitadas.
O Parque Arqueolóxico da Arte Rupestre de Campo Lameiro celebrará o próximo sábado 20 de maio a III edición da xornada Cazadores de Petróglifos que ten como propósito divulgar proxectos e estudos recentes da arte rupestre de Galicia.
Mediante diferentes charlas, tanto do eido académico como do dos colectivos, o público asistente terá a oportunidade de coñecer diferentes traballos da man dos seus principais protagonistas.
A primeira charla será ás 10.30 horas, da man de Tania Mosquera, doutoranda no Grupo de Estudos para a Prehistoria do Noroeste Ibérico-Arqueoloxía, Antigüidade e Territorio na Universidade de Santiago de Compostela. Coa súa charla Cova Eirós e a arte rupestre das derradeiras sociedades cazadoras-recolectoras poderemos coñecer as investigacións máis recentes das manifestacións gráficas do final do Paleolítico desta cavidade situada en Triacastela (Lugo).
A segunda ponencia será levada a cabo por Miguel Carrero, doutor en Prehistoria e docente na USC, especializado na aplicación de tecnoloxías xeoespaciais en arqueoloxía. Na súa charla, O Megalitismo galego: ocupación do territorio e pensamento simbólico, expoñerá como Galicia é un dos territorios da Península Ibérica con maior densidade de mámoas, moitas delas con gravados e pinturas documentadas que testemuñan un rico e interesante mundo funerario na época.
A continuación, o arqueólogo David Fernández Abella, investigador do grupo EcoPast da USC, dará a ponencia Homes de papel en barcos de pedra. Naviformes no Noroeste, na que recompilará os petróglifos máis coñecidos con barcos identificados e expoñerá a información que se pode extraer destes gravados no apartado interpretativo.
Tras un tempo de preguntas e debate, pola tarde retómase a xornada ás 16.30 horas.
Antón Bouzas e Luis Leclere, do Colectivo A Rula, compartirán o seu traballo recente na Quenlla dos Carballos (A Estrada), un espazo sacro cun uso moi prolongado ao longo do tempo, comezando no período Calcolítico ou Bronce Inicial ata o século I da nosa era, segundo se desprende do exame dunha inscrición votiva dedicada á deusa Diana, posiblemente un lugar de culto precristián. O título da charla é A Quenlla dos Carballos no concello da Estrada. Un santuario rupestre cunha dedicatoria á deusa Diana na ribeira do Ulla.
Rafael Quintía, presidente da Asociación Antropolóxica Galega e docente na UNED, expoñerá a súa investigación de moitos anos como antropólogo recollendo e divulgando o patrimonio inmaterial vinculado aos petróglifos galegos, que reflicten unha valiosa mostra de construción cultural da paisaxe e da historia para dar sentido a un pasado descoñecido. Na ponencia A arte rupestre e o patrimonio inmaterial, fará un percorrido polos universos simbólicos vencellados aos nosos gravados e aos relatos transmitidos oralmente ao redor deles de xeración en xeración.
Para finalizar as charlas, Fátima Martínez e Patricia Novas, do Departamento de Didáctica e Formación do Parque Arqueolóxico da Arte Rupestre, expoñerán o traballo que se leva a cabo neste centro de referencia na divulgación da Arte Rupestre galega entre o público escolar. Co título Divulgando os petróglifos: experiencia didáctica do PAAR, compartirán o que consideran as chaves para lograr un discurso no que o alumnado comprenda o valor do patrimonio prehistórico.
Posta en valor do traballo das mulleres nas sociedades campesiñas e gandeiras. Ao mesmo tempo explicarase o seu papel no crecemento e mantemento do grupo e na evolución da sociedade. O alumnado terá que analizar o troco do rol feminino e propoñer ideas para mellorar a exposición.
Obxectivos didácticos:
• Aproximarse á vida das mulleres na Prehistoria.
• Adquirir vocabulario específico.
• Reflexionar arredor das diferenzas entre a muller na Prehistoria e a actualidade e os roles de xénero usados na exposición permanente do PAAR
1 hora.
Con esta actividade o alumnado poderá profundizar no coñecemento da evolución do téxtil ao longo da Prehistoria, especialmente cos cambios do Neolítico. Aprenderán a elaborar un tecido empregando un pequeno tear individual e crearán unha pulseira.
Obxectivos didácticos:
1 hora.
O alumnado poderá descubrir mediante diversas réplicas e obxectos característicos a evolución das técnicas cinexéticas na Prehistoria, practicando a súa puntaría co uso da azagaia, propulsor, arco e frecha.
Obxectivos didácticos:
1 hora.
Esta actividade permitirá ao alumnado ampliar e consolidar os coñecementos adquiridos durante a visita ó Parque. A través dunha serie de preguntas e pistas percorrerán a Área Arqueolóxica visitando zonas diferentes. Este itinerario permitirá tamén observar a paisaxe do PAAR, profundizando no coñecemento do ambiente e contexto natural que dá sentido aos gravados.
Obxectivos didácticos:
1 hora.