O PAAR ofrece unha variada axenda de abril a xuño con experiencias creativas, xogos de pistas e escape room.

Experiencias na prehistoria

Todos os sábados e domingos ás 11:00h, temos unha cita coa historia. Cal é o teu plan?

Abril: Barro e Fíos

Sábados: “Coas mans ao barro”. Fabrica a túa propia cerámica campaniforme e lévaa para a casa.

Domingos: “Fiando o pasado”. Descubre como vestían na Prehistoria e experimenta cun tear e agulla de madeira.

Maio: Símbolos e Caza

Sábados: “Leva o teu petro!”. Aprende a diferenciar os símbolos das pedras e crea o teu propio petróglifo en pasta de secado.

Domingos: “Imos de caza!”. Pon a proba a túa puntería co propulsor e a azagaia. Dás na diana?

Xuño: Cores e Tesouros

Sábados: “Primeiras cores”. Fabrica os teus pigmentos con minerais e descubre como se facían os primeiros “graffitis” da historia.

Domingos: “Cantas xoias?”. Inspírate nos grandes tesouros dos museos para deseñar as túas xoias en metal.

🕵️‍♂️ Misterio e aventura

Se prefires ir ao teu aire, non te perdas as nosas experiencias permanentes (fins de semana):

O Tesouro da Moura: O noso Escape Room interior. Serás capaz de resolver todos os enigmas?

Petroaventura: Un xogo de pistas ao aire libre para toda a familia. Convértete en protector/a dos petróglifos!

🌙 Noites no PAAR

Apunta estas datas na túa axenda para vivir o parque baixo a luz da lúa e as lanternas:

• 16 de maio: Noite de lendas (Especial Letras Galegas).
• 20 de xuño: Noite do Solsticio de Verán.

🎟️ ¡Non quedes sen a túa praza!

As visitas guiadas regulares mantéñense todos os días ás 12:30h e 17:30h. Todas as nosas actividades teñen prazas limitadas.

Este xaneiro e febreiro, viaxa no tempo connosco e convértete nun auténtico/a experto/a na Prehistoria. Descubre os segredos dos nosos antepasados a través de dúas experiencias únicas:

• Pintura rupestre: Coñece os pigmentos naturais que deron vida ás primeiras obras de arte da humanidade. Aprenderás a fabricalos ti mesmo e deseñarás a túa propia lámina prehistórica.
• O dominio do lume: Como sobrevivían sen mistos nin chisqueiros? Aprende as técnicas de percusión e fricción para despois  practicar a arte de facer lume con madeira. (Si, con paus!).

📅 Cando? Todos os fins de semana de xaneiro e febreiro ás 11:00 h.

E para público familiar e amigos, hai dous xogos para pasar unha xornada do máis divertida!

• Petroaventura

Un xogo de orientación o aire libre que te levará a percorrar os sendeiros do PAAR mentres descobres os misterior que agochan as Laxes do Campo Lameiro. 

• Escape room "O tesouro da moura"

Xogo de pistas que se realiza no interior do centro de interpretación, onde porás a proba a túa habilidade para resolver enigmas!

Andas na procura dunha saída didáctica que complemente as túas aulas?

Queres que o teu estudantado poña en práctica os contidos vistos e experimente a Prehistoria?

Nós podemos achegarvos ao mundo dos Petróglifos dun xeito dinámico e entretido!

Aquí poderás descargar o noso cartafol didáctico con toda a información sobre a oferta escolar. 

Calquera dúbida ou consulta podes poñerte en contacto connosco no correo didactica [at] paar.es (didactica[at]paar[dot]es) ou no teléfono 886151195. 

Tras un pequeno descanso regresamos cunha nova oferta de experiencias únicas para desfrutar da Prehistoria. 

Experiencias na Prehistoria

Mergúllate no pasado connosco!

Os sábados de novembro “cerámica na prehistoria”

• Preguntácheste algunha vez como se creaban os vasos cerámicos da prehistoria? Neste obradoiro poderás fabricar e deseñar a túa propia peza dende cero!

Os domingos de novembro, en “A metade silenciada“

• Reflexiona sobre as representacións das mulleres na Prehistoria e na arqueoloxía

Os sábados de decembro “Cantas Xoias!“

• Deseña e crea as túas xoias metálicas inspiradas nas fascinantes pezas prehistóricas.

Os domingos de decembro  “Estampas do pasado“ 

• Agora que se achega o nadal podes fabricar a túa propia postal con selos que poderás deseñar inspirados nos petróglifos e pequenos ídolos prehistóricos.